Do'a saacan dahar

Dina hiji mangsa Paninggaran teh papisah jeung baturna, nepi ka lebah sayang maung. Manehna reuwas nenjo sihung maung anu rangeteng, nepikeun ka awaknna oge ngadegdeg.

Paninggaran : “Cilaka…” manehna ngareret ka Maung nu katingali nangtung sarta ngangkat kadua leungeunna. “Naha maung teh lain ngakan aing kalahka ngangkat leungeunna kaluhur?”
Maung : “Aing ngangkat leungeun soteh keur ngadoa samemeh dahar….”
Ngadenge kitu geuntak Paninggaran sila, bari sarua ngangkat leungeun kaluhur siga Maung. Maung ngareret sarta colohok, tuluy nanya.
Maung : “Ari maneh naha ngadoa naon?”
Paninggaran : “Dewek mapatkeun doa meuncit maung.”
Maung: “Jadol! Cilaka aya jalma nekad kieu…(maung cengkat bari kukulutus ninggalkeun eta Paninggaran)….lamun enya teh aing dipeuncit kumaha anak pamajikan…iy…amit…amit!!!”